Euskararen Herri Hizkeren Atlasa: ezaugarrietatik gorputz-atalen polisemia kasuetara

Laburpena

Erizkizundi Irukoitza hartu izan da Euskararen Herri Hizkeren Atlasaren aurrekaritzat, baina informazioaren bilketa-prozeduran zenbait bat-etortze badira ere, helburuetan dituzten desberdintasunak nahiko arrazoi dira elkarren aurrekaritzat edo ondorengotzat ez hartzeko. Euskarazko hizkuntza-atlasa argitaratzen amaitu ez den lana denez gero, orain artekoan ez da izan, beste hizkuntzetan bezala, bertan bildutako informazioaren gaineko azterketa egiteko aukera handirik. Bada, gorputz-atalei dagozkien galderetan bildutako informazioan oinarrituta polisemia-kasuak aztertuko dira galdera honetan, hizkuntza-atlas honen aberastasuna erakustearen mesedetan.