Zentsuraren anbibalentzia: Orixeren "Euskaldunak"-en kasua

Laburpena

Artikulu honetan Orixeren Euskaldunak obrak zentsura frankistarekin izan zituen arazoak aztertzen dira. Zentsura-txostenetan oinarrituz, obraren argitalpen ezberdinek zentsoreen aldetik izan zuten tratamendu anbibalentea aztertzen da, eta horren arrazoietan sakontzen. Obraren harrerak, Orixeren kanonizazio prozesuak eta testuinguru politikoak mugarriak izango dira obraren balorazio ezberdin horietan arakatzeko. Alabaina, ezin da ahaztu zentsura frankistaren izaera aski arbitrarioa izan zela, eta Euskaldunak ere horren beste adibide bat dugula.