Euskera ikerketa aldizkaria 2023, 68, 2

2023. urteko bigarren zenbakia abenduan plazaratu da. Euskararen irakaskuntza, lehen hezkuntzako haurrak, etorkinak eta identitatea, euskara eta teknologia berriak eta literatura dira gai nagusiak. Bost ikerketa-artikulu, ohar bat eta bi liburu-aipamen biltzen ditu zenbakiak, horietarik lau elkarlanean eginikoak. Egile hauek aurkeztu dituzte beren lanak: Aritz Bereziartua, Odei Guirado  eta Idurre Alonso; Odei Guirado eta Jone Rua; Imanol Murua Uria; Mikel Urionaguena, Beñat Flores, Eneko Bidegain eta Aitor Zuberogoitia; Ane Urizar, Amelia Barquín eta Sara Jiménez de Aberasturi; Luis Mari Zaldua; Arantza Etxebarria; eta Oihane Calvo.