Gelako interakzioa: irakasleen esku-hartzea eta ikasleen ahozko ekoizpena: jolas arauen azalpena lehen hekuntzako ikasleen eskutik

Laburpena

Lan honetan edukien bidezko hizkuntzaren ikas-irakaskuntzaren (snow et al., 1989: Laplante, 2000) hainbat alderdi aztertzen dira Lehen Hezkuntzako gela batean. Batetik, aztertu dugu irakaslearen esku-hartzearen zorroztasuna aurretik diseinatu duen sekuentzia Didaktikoarekiko (sD), hau da, transposizioa nolakoa den. Bestetik, begiratu dugu sDan zehar irakasleak ikasleekin sustatzen dituen elkarrekintza motak eta ikasleengan bultzatzen dituen ikaskuntzak; asmoa da aztertzea ikaskuntza bikoitza bultzatzearren (curriculumarena batetik, ahozko generoarena bestetik) irakasleak zer nolako elkarrizketa mota zabaltzen duen gelan. Bukatzeko, ikasleen ekoizpenak aztertu ditugu ikusteko zer nolako garapena izan duten sDaren eta irakaslearen esku-hartzea tarteko. Aztergai izan dugun sDan, ingurunearen Ezagutza arloari dagozkion hainbat edukiren eta prozesuen azalpenen gaineko ahozko testuak landu dira.